కేకేఆర్‌కు షాక్.. రూ.9.2 కోట్లు పెట్టినా ముస్తాఫిజుర్ ఐపీఎల్ ఆడే అవకాశం లేదు..

ఎందుకంటే?

జై భీమ్ టీవీ - క్రీడలు / : ఐపీఎల్ 2026 మినీ వేలంలో కోల్‌కతా నైట్ రైడర్స్ రూ. 9.2 కోట్లకు ముస్తాఫిజుర్ రెహ్మాన్‌ను కొనుగోలు చేసిన విషయం తెలిసిందే. అయితే ఈ ప్లేయర్ ఐపీఎల్‌ ఆడే అవకాశం లేనట్లు తెలుస్తోంది. బంగ్లాదేశ్- న్యూజిలాండ్ సిరీస్‌.. ఐపీఎల్ షెడ్యూల్‌తో క్లాష్ అవుతున్నందున అతడు కొన్ని మ్యాచ్‌లకు దూరమయ్యే అవకాశం ఉందని సమాచారం. ఎన్ని మ్యాచ్‌లకు దూరం అవుతాడనే విషయం ప్రస్తుతం తెలియకున్నా.. కీలక మ్యాచ్‌ల్లో ముస్తాఫిజుర్ ఉండడనే విషయం అర్థమవుతోంది. కోల్‌కతా నైట్‌రైడర్స్‌కు ముస్తాఫిజుర్ రెహ్మాన్ షాక్! రూ. 9.2 కోట్లు పెట్టినా ఐపీఎల్ ఆడలేడు ఐపీఎల్‌లో కొన్ని మ్యాచ్‌లకు దూరమయ్యే ఛాన్స్ అబుదాబి వేదికగా ఇటీవల ఐపీఎల్ 2026 మినీ వేలంలో అందరికంటే ఎక్కువ పర్స్ వ్యాల్యూతో వేలంలోకి వచ్చిన కోల్‌కతా నైట్ రైడర్స్.. కీలక ప్లేయర్లను సొంతం చేసుకుంది. అందులో ఆసీస్‌ ఆల్‌రౌండర్‌ కామెరూన్ గ్రీన్‌కు అత్యధికంగా రూ.25.2 ధర చెల్లించింది. ఆ తర్వాత రూ.18 కోట్లతో రెండో అత్యధిక ధర పలికిన ప్లేయర్‌గా మతీష పథిరన ఉన్నాడు. వీరిద్దరినే కాకుండా.. రూ.9.2 కోట్లకు ముస్తాఫిజుర్ రెహ్మాన్‌ను కొనుగోలు చేసింది కేకేఆర్. అయితే ఈ బంగ్లా బౌలర్ ఐపీఎల్ మిస్ అయ్యే అకాశాలు ఉన్నట్లు తెలుస్తోంది. 2026 మార్చి 26 నుంచి మే 31 మధ్య కొన్ని మ్యాచ్‌ల్లో ముస్తాఫిజుర్ రెహ్మాన్ ఆడకపోవచ్చని బంగ్లాదేశ్ క్రికెట్ బోర్డు వర్గాల సమాచారం. 2026 ఏప్రిల్ నుంచి ఏప్రిల్ 23 మధ్య ముస్తాఫిజుర్ రెహ్మాన్ అందుబాటులో ఉండకపోవచ్చనే సంకేతాలు వెలువడుతున్నాయి. ఇదే సమయంలో బంగ్లాదేశ్ వేదికగా బంగ్లా-న్యూజిలాండ్ మధ్య వన్డే, టీ20 సిరీస్‌లు జరుగుతున్నాయి. ఈ సిరీస్ షెడ్యూల్.. ఐపీఎల్ విండోతో క్లాష్ అవుతున్నందున ముస్తాఫిజుర్ రెహ్మాన్ కొన్ని మ్యాచ్‌లకు దూరమయ్యే అవకాశం ఉంది. సాధారణంగా వన్డే మ్యాచ్‌ల్లో రెహ్మాన్‌కు విశ్రాంతి ఇస్తారు. కానీ టీ20ల్లో మాత్రం బంగ్లా టీమ్‌లో కీలక ప్లేయర్‌గా ఉన్నాడు ముస్తాఫిజుర్. రాబోయే న్యూజిలాండ్‌తో సిరీస్‌లో ఇతడిని కేవలం టీ20 మ్యాచ్‌ల్లోనే ఆడించే అవకాశం ఉన్నట్లు తెలుస్తోంది. వన్డేల్లో ఆడించకుండా బంగ్లా బోర్డు నిర్ణయం తీసుకునే ఛాన్స్ ఉందని సమాచారం. కాగా, 2020లో ఇలాంటి పరిస్థితే ముస్తాఫిజుర్ రెహ్మాన్‌కు వచ్చింది. 2020 ఐపీ‌ఎల్‌కు ముందు ముంబై, కోల్‌కతా జట్లు రెహ్మాన్‌ను సంప్రదించాయి. ఆ సమయంలో బంగ్లాదేశ్- శ్రీలంక మధ్య మూడు మ్యాచ్‌ల టెస్ట్ సిరీస్ ఉంది. దీంతో ఎన్ఓసీ ఇవ్వడానికి బంగ్లాదేశ్ క్రికెట్ బోర్డు నిరాకరించింది. అతడు జట్టులో కీలక ప్లేయర్‌గా ఉన్నందున ఈ నిర్ణయం తీసుకున్నట్లు తెలిపింది. కాగా, మినీ వేలంలో ముస్తాఫిజుర్‌ను రూ. 9.20 కోట్లకు కోల్‌కతా నైట్ రైడర్స్ దక్కించుకుంది. దీంతో ఐపీఎల్ చరిత్రలో అత్యంత ఖరీదైన బంగ్లాదేశ్ ఆటగాడిగా నిలిచాడు. ఇక ఐపీఎల్‌లో కోల్‌కతా నైట్ రైడర్స్‌కు ప్రాతినిధ్యం వహించిన నాలుగో బంగ్లాదేశ్ ప్లేయర్‌గా ఉన్నాడు ముస్తాఫిజుర్. 2009లో ఫ్రాంచైజీ తరపున ఆడిన తొలి బంగ్లాదేశ్ ప్లేయర్ మష్రఫే మోర్తజా. ఆ తర్వాత షకీబ్ అల్ హసన్, లిట్టన్ దాస్ కేకేఆర్ తరఫున ఆడారు. మరోవైపు, ఈ సీజన్‌లో ఐపీఎల్ కాంట్రాక్ట్ పొందిన ఏకైక బంగ్లాదేశ్ క్రికెటర్ ముస్తాఫిజుర్ కావడం గమనార్హం. తస్కిన్ అహ్మద్, షోరిఫుల్ ఇస్లాం, లిట్టన్ దాస్, తన్జిమ్ హసన్ సకిబ్, రిషద్ హొస్సేన్, రకిబుల్ హసన్ ఐపీఎల్ 2026 మినీ వేలంలో రిజిస్టర్ చేసుకున్నప్పటికీ ఏ ఫ్రాంచైజీ ఆసక్తి చూపించలేదు.