జై భీమ్ టీవీ - సినిమా / : అచ్చతెలుగు కంటెంట్తో అలరిస్తున్న ఆహాలో సూపర్ హిట్ రియాలిటీ షో అన్స్టాపబుల్. అల్టిమేట్ గెస్ట్ల ఎనర్జీ, నందమూరి బాలకృష్ణ అల్లరితో ఆడియన్స్కు ఫుల్ హై ఇచ్చే ఈ షో మరో సీజన్ ప్రేక్షకుల ముందుకు రానుంది. అయితే ఈ సారి షార్ట్ అండ్ స్వీట్గా ఓ లిమిటెడ్ ఎడిషన్ను ఆడియన్స్ ముందుకు తీసుకువస్తోంది ఆహా. తాజాగా నయా లిమిటెడ్ ఎడిషన్ ఫస్ట్ ఎపిసోడ్కు సంబంధించిన ప్రోమో రిలీజ్ చేసింది యూనిట్. తొలి ఎపిసోడ్లో బాలయ్య అప్ కమింగ్ మూవీ భగవంత్ కేసరి టీమ్ సందడి చేసింది. హీరోయిన్లు కాజల్ అగర్వాల్, శ్రీలీలతో పాటు డైరెక్టర్ అనిల్ రావిపూడి, విలన్ అర్జున్ రామ్ పాల్ కూడా షోలో పాల్గొన్నారు. బాలయ్య మార్క్ సందడితో మరోసారి ఆహా అనిపించేలా ఉంది నయా సీజన్. ఈ ఎపిసోడ్ అక్టోబర్ 17న సాయత్రం ఆరు గంటల నుంచి స్ట్రీమ్ కానుంది. ఇక ప్రోమోలో పంచ్ డైలాగ్స్తో మరోసారి ఫ్యాన్స్కు ఫుల్ కిక్ ఇచ్చారు బాలయ్య. ముఖ్యంగా చివర్లో చెప్పిన ఓ డైలాగ్ పొలిటికల్ సర్కిల్స్లోనూ హాట్ టాపిక్ అవుతోంది. ‘సినిమా అయినా రియల్ లైఫ్ అయినా అంతా బాగున్నప్పుడు ఒకడు దిగుతాడు. మొత్తం నాశనం చేయడానికి బయలు దేరుతాడు. మళ్లీ సెట్ చేయడానికి హీరో జైలు నుంచి రావాలి’ అంటూ చెప్పిన డైలాగ్ హీట్ పెంచుతోంది. ఏపీలోని పరిస్థితిని ఉంద్దేశించే బాలయ్య కామెంట్స్ చేశారని కొందరు అంటున్నారు. మరో వైపు బాలయ్య పంచులు ఫిదా అయ్యారు దర్శకుడు అనిల్. మీ కామెడీ, పంచ్ లు చూసిన తర్వాత మీతో ఫుల్ లెన్త్ కామెడీ ఎంటర్టైనర్ తీయాలని ఉంది అని అన్నాడు అనిల్. బాలయ్య కూడా దానికి సరే అన్నట్టుగా నవ్వేశారు. అలాగే హీరోయిన్ కాజల్ను తన మాటలతో ఫిదా చేశారు బాలయ్య.
Admin