బంగారంలాంటి ఫోన్.. భారత్- పాక్ మ్యాచ్‌లో కాస్ట్లీ ఫోన్ పోగొట్టుకున్న హాట్ బ్యూటీ.. ట్రోల్ చేస్తున్న నెటిజన్స్
జై భీమ్ టీవీ - సినిమా / : అక్టోబర్ 14న అహ్మదాబాద్‌లోని నరేంద్ర మోడీ స్టేడియంలో జరిగిన భారత్-పాకిస్థాన్ క్రికెట్ మ్యాచ్‌ను చూసేందుకు పలువురు ప్రముఖ సెలబ్రిటీలు స్టేడియానికి తరలివెళ్లారు. హోంమంత్రి అమిత్ షా నుంచి పలువురు బాలీవుడ్ తారలు, టాలీవుడ్ నుంచి పలువురు భారత్-పాకిస్థాన్ మ్యాచ్‌లో సందడి చేశారు . ఈ మ్యాచ్‌ని చూసేందుకు ప్రముఖ బాలీవుడ్ నటి ఊర్వశి రౌతెల్లా కూడా అహ్మదాబాద్ వెళ్లారు. మ్యాచ్ చూస్తే మైమరచిపోయిన ఊర్వశి తన ఫోన్ ను పోగొట్టుకుంది. మ్యాచ్ చూస్తుండగానే తన అత్యంత ఖరీదైన ఐఫోన్ పోగొట్టుకున్నట్లు సోషల్ మీడియాలో తెలిపింది. అది మాములు ఐ ఫోను కాదంట..! ‘‘అహ్మదాబాద్‌లోని నరేంద్ర మోదీ స్టేడియంలో భారత్-పాకిస్థాన్ మ్యాచ్ సందర్భంగా నా 24 క్యారెట్ల బంగారు ఐఫోన్ పోగొట్టుకున్నాను. దయచేసి సహాయం చేయండి, ఎవరైనా మొబైల్‌ని కనుగొంటే, దాన్ని తిరిగి ఇవ్వండి లేదా నన్ను సంప్రదించండి” అని ఊర్వశి రౌతెల్లా సోషల్ మీడియాలోరాసుకొచ్చింది. అంతే కాదు ఆ పోస్ట్ లు అహ్మదాబాద్ పోలీసులను, నరేంద్ర మోడీ స్టేడియం యొక్క అధికారిక ట్విట్టర్ ఖాతాను ట్యాగ్ చేసింది. అయితే ఊర్వశి రౌతెలా చేసిన ఈ పోస్ట్‌ను చాలా మంది ట్రోల్ చేశారు. ఊర్వశి రౌతెల్లా అబద్ధాలు చెబుతోందని కొందరు కామెంట్స్ చేస్తున్నారు. ఇది పబ్లిసిటీ స్టంట్ అని కొందరు అంటున్నారు. మరికొందరు గోల్డ్ ఫోన్ పొందిన వ్యక్తి అదృష్టవంతుడని, ఎవరైనా బంగారు ఫోన్ తిరిగి ఇస్తారా అంటూ ఫన్నీగా కామెంట్స్ చేస్తున్నారు. ఊర్వశి రౌతెలాకు ట్రోల్స్‌ కొత్తేమి కాదు. ఆమె ఏ చిన్న పోస్ట్ షేర్ చేసిన నెటిజన్స్ ఓ ఆటాడుకుంటారు. అలాగే క్రికెటర్ రిషబ్ పంత్ గురించి చెడుగా మాట్లాడినందుకు ఊర్వశి ట్రోల్ చేశారు. రిషబ్ మ్యాచ్‌లకు కూడా వెళ్లి అతడి ఫ్యాన్స్ కు కోపం తెప్పించింది. ఇక ఊర్వశి తెలుగులో పలు సినిమాల్లో స్పెషల్ సాంగ్స్ లో కనిపించి మెప్పించింది. చిరంజీవి నటించిన వాల్తేరు వీరయ్య సినిమాలో బాస్ పార్టీలో అదరగొట్టింది. రీసెంట్ గా స్కంద సినిమాలో కనిపించింది.
Admin
మరిన్ని వార్తలు
Developed By :
