రష్మికకు మద్ధతుగా సినీతారలు.. ఫేక్ వీడియోపై నాగచైతన్య సీరియస్..
జై భీమ్ టీవీ - సినిమా / : గత రెండు రోజులుగా హీరోయిన్ రష్మికకు సంబంధించిన డీప్ ఫేక్ వీడియో సోషల్ మీడియాలో వైరలవుతున్న సంగతి తెలిసిందే. రష్మిక ముఖంతో కనిపిస్తోన్న ఓ అభ్యంతకరమైన వీడియో క్లిప్ నెట్టింట అప్లోడ్ అయిన ఆ వీడియో క్షణాల్లోనే వైరల్ అయ్యింది. అందులో ఉన్నది బ్రిటీష్ ఇండియన్ సోషల్ మీడియా పర్సనాలిటీ జారా పటేల్. కానీ ఆమె ముఖాన్ని మార్ఫింగ్ చేసి AI టెక్నాలజీతో రష్మిక ఫేస్ యాడ్ చేసి నెట్టింట షేర్ చేశారు. ఇక ఈ ఫేక్ వీడియోను ఒరిజినల్ వీడియోను కలిపి షేర్ చేస్తూ సోషల్ మీడియా వేదికగా ఆగ్రహం వ్యక్తం చేశారు జర్నలిస్ట్ అభిషేక్. ఇక అదే వీడియోపై బాలీవుడ్ బిగ్ బీ అమితాబ్ రియాక్ట్ అవుతూ.. ఫేస్ మార్ఫింగ్ చేసిన వారిని గుర్తించి శిక్షించాలని డిమాండ్ చేశారు. అలాగే బీఆర్ఎస్ ఎమ్మెల్సీ కల్వకుంట్ల కవిత రియాక్ట్ అవుతూ.. రష్మిక ఫేస్ మార్ఫింగ్ చేసిన వారిని గుర్తించి శిక్షించాలని అన్నారు. ఇప్పటికే రష్మిక ఫేక్ వీడియోపై కేంద్ర సమాచార సాంకేతిక శాఖ మంత్రి రాజీవ్ చంద్రశేఖర్ స్పందిస్తూ.. మార్ఫింగ్ వీడియోస్ చేసిన వారిపై చర్యలు తప్పవని అన్నారు. రష్మికకు మద్దతుగా టాలీవుడ్ సెలబ్రెటీస్ స్పందిస్తున్నారు. సింగర్ చిన్మయి, సాయి ధరమ్ తేజ్, ప్రియా ప్రకాష్ వారియర్ స్పందించారు. ఇక తాజాగా అక్కినేని నాగచైతన్య సైతం రష్మిక ఫేక్ వీడియోపై స్పందిస్తూ ఆగ్రహం వ్యక్తం చేశారు. “టెక్నాలజీని ఇలా దుర్వినియోగం చేయడం చూస్తుంటే బాధగా ఉంది. భవిష్యత్తులో ఏం జరుగుతుందో ఊహించుకుంటేనే భయమేస్తుంది. భాదితుల రక్షణకు తగిన చర్యలు తీసుకోవాలి. ఇలాంటి వాటిపై కొత్త చట్టాలు అమలు చేయాలి. మీకు మరింత ధైర్యం, బలం చేకూరాలి” అంటూ ట్వీట్ చేశారు. చైతన్య్ ట్వీట్కు రష్మిక స్పందిస్తూ ధన్యవాదాలు తెలిపింది.
Admin
మరిన్ని వార్తలు
Developed By :
