రణ్వీర్, దీపికా పదుకొణె ఆస్తి విలువ ఎంత ఉంటుందో తెలుసా ?.. సీక్రెట్స్ పంచుకున్న స్టార్ కపుల్..
జై భీమ్ టీవీ - సినిమా / : బాలీవుడ్ ఇండస్ట్రీలోని మోస్ట్ బ్యూటీఫుల్ కపూల్స్లో దీపికా పదుకొణె, రణవీర్ సింగ్ జంట ఒకటి. చాలాకాలంపాటు ప్రేమలో ఉన్న వీరిద్దరు 2018లో వివాహం చేసుకున్న సంగతి తెలిసిందే. ఆ తర్వాత బ్యాక్ టూ బ్యాక్ చిత్రాలతో ఇద్దరూ తమ కెరీర్ లో బిజీగా ఉన్నారు. అయితే ఇటీవల వీరిద్దరూ కలిసి కాఫీ విత్ కరణ్ సీజన్ 8 మొదటి ఎపిసోడ్ కు అతిథులుగా విచ్చేశారు. ఇందుకు సంబంధించిన వీడియోస్ ఇప్పుడు సోషల్ మీడియాలో వైరలవుతున్నాయి. గతంలో ఇద్దరూ విడివిడిగా ఈ షోకు వెళ్లారు. కానీ ఇద్దరూ కలిసి వెళ్లడం ఇదే మొదటిసారి. ఈ సందర్భంగా దాదాపు ఐదు సంవత్సరాల తర్వాత తమ పెళ్లి వీడియోను రిలీజ్ చేశారు దీపికా, రణవీర్. ఆ తర్వాత తమ ప్రేమ, పెళ్లి గురించి ఆసక్తికర విషయాలను పంచుకున్నారు. రణవీర్, దీపికా కలిసి అనేక చిత్రాల్లో నటించారు. వీరిద్దరి కాంబోలో రామ్-లీలా, బాజీరావ్ మస్తానీ, పద్మావత్, సింబా, గల్లీ బాయ్ వంటి బ్లాక్‌బస్టర్ చిత్రాలు వచ్చాయి. రామ్ లీలా షూటింగ్ సమయంలోనే వీరిద్దరి మధ్య ప్రేమ చిగురించిందని గతంలో అనేకసార్లు చెప్పుకొచ్చారు రణవీర్. ప్రస్తుతం బాలీవుడ్ ఇండస్ట్రీలో ఇద్దరూ స్టార్ ఇమేజ్ సొంతం చేసుకున్నారు. ఇక నివేదికల ప్రకారం .. రణవీర్ సింగ్ ప్రస్తుత నికర విలువ దాదాపు రూ. 362 కోట్లుగా అంచనా. నటుడు ప్రతి చిత్రానికి దాదాపు రూ.20 కోట్ల రెమ్యూనరేషన్ తీసుకుంటున్నట్లు తెలుస్తోంది. అంతేకాదు.. సంవత్సరానికి రూ. 21 కోట్లకు పైగా సంపాదిస్తున్నారు. 2019లో, అతను ఫోర్బ్స్ భారతదేశంలో అత్యధికంగా సంపాదిస్తున్న సెలబ్రిటీల జాబితాలో ఏడవ స్థానంలో నిలిచాడు. 2012 నుండి ఈ ఎలైట్ ర్యాంకింగ్‌లో తన ఉనికిని కొనసాగించాడు. ఇదిలా ఉంటే.. 2007లో ‘ఓం శాంతి ఓం’తో బాలీవుడ్‌లో దీపికా పదుకొణె ప్రయాణం మొదలైంది. ఆ తర్వాత ఆమె పరిశ్రమలో అత్యధిక పారితోషికం తీసుకునే నటీమణుల్లో ఒకరిగా ఎదిగింది. ముఖ్యంగా, సంజయ్ లీలా బన్సాలీ తెరకెక్కించిన పద్మావత్ కోసం ఆమె రూ. 13 కోట్ల పారితోషికం తీసుకుంది. కేవలం సినిమాలు మాత్రమే కాకుండా.. 82°E పేరుతో చర్మ సంరక్షణ బ్రాండ్ ప్రారంభించింది. అలాగే నిర్మాతగా ప్రొడక్షన్ హౌస్ ప్రారంభించి పలు చిత్రాలు నిర్మించింది. అలాగే అనేక వ్యాపారాల్లో రాణిస్తుంది. దీపికా నికర విలువ రూ. 497 కోట్లు. దీపికా పదుకొణె, రణ్వీర్ సింగ్‌లు కలిసి నికర విలువ దాదాపు రూ. 860 కోట్లు! ఉన్నట్లు తెలుస్తోంది.
Admin
మరిన్ని వార్తలు
Developed By :
