జై భీమ్ టీవీ - జాతియం / : చెన్నైలో డీఎంకే మహిళా విభాగం సమరశంఖం పూరించింది. ఈ సమావేశానికి దేశం లోని మహిళా అగ్రనేతలంతా హాజరయ్యారు. తమిళనాడు సీఎం స్టాలిన్ ఆహ్వానం మేరకు సోనియాగాంధీతో పాటు ప్రియాంకాగాంధీ హాజరయ్యారు. జమ్ముకశ్మీర్ మాజీ సీఎం మెహబూబా ముఫ్తీ , ఎన్సీపీ నేత సుప్రియా సూలే , సమాజ్వాదీ పార్టీ ఎంపీ డింపుల్ యాదవ్ తదితురులు హాజరయ్యారు. ఈ సభలో మహిళా కార్యకర్తలు ఉత్సాహంగా డాన్స్లు చేశారు. ఐదేళ్ల తరువాత చెన్నెకి వచ్చిన సోనియాగాంధీకి ఘనస్వాగతం లభించింది. 2018లో కరుణానిధి విగ్రహావిష్కరణకు హాజరయ్యారు సోనియా. తరువాత ఇప్పుడు చెప్పతమిళనాడు ప్రజలతో తనకు ప్రత్యేక అనుబంధం ఉందన్నారు సోనియాగాంధీ. మహిళా హక్కులపై డీఎంకే పార్టీ ఈ సదస్సును నిర్వహించింది. మహిళలకు అన్ని రంగాల్లో సమానహక్కులు ఉండాలని సదస్సులో పాల్గొన్న నేతలు డిమాండ్ చేశారు. మహిళా రిజర్వేషన్ బిల్లును వెంటనే అమలు చేయాలన్నారు ప్రియాంకాగాంధీ. హక్కులపై రాజీ పడే ప్రసక్తే లేదన్నారు. తమ హక్కుల కోసం రాజీ పడేందుకు మహిళలు సిద్దంగా లేరని అన్నారు. మహిళలు ఓటుబ్యాంక్గా మాత్రమే మిగిలిపోవద్దని , రాజకీయ అధికారంలో భాగస్వాములు కావాలని పిలపునిచ్చారు “కేవలం మనం ఓటుబ్యాంక్గా మిగిలిపోవద్దు.. అధికారంలో కూడా మనకు హక్కు కావాలి. వెంటనే మహిళా రిజర్వేషన్ బిల్లును అమలు చేయాలి. సమయం వృథా చేసుకోవడానికి భారతీయ మహిళలకు ఇంకా ఓపిక లేదు. మనకు రాజకీయ అధికారం కావాలి. అప్పుడే మన హక్కులు సాధ్యమవుతాయి. మనపై జరుగుతున్న దాడులపై ప్రేక్షకపాత్ర వహిస్తే నష్టం జరుగుతుంది” అని ప్రియాంక పేర్కొన్నారు. మోదీ సర్కార్పై ఘాటైన వ్యాఖ్యలు చేశారు సోనియాగాంధీ. దేశంలో పితృస్వామ్య వ్యవస్థ ఇప్పటికి అమల్లో ఉందని , దీనికి బీజేపీ ప్రభుత్వం ప్రోత్సాహం ఇస్తోందని విమర్శించారు . మహిళలకు అన్నిరంగాల్లో సమానహక్కులు ఇచ్చేందుకు ఇండియా కూటమి సిద్దంగా ఉందన్నారు సోనియాగాధీ. ప్రార్థనా స్థలాల్లో ఎంట్రీ కోసం కూడా మహిళలు ఇప్పటికి పోరాటాలు చేయాల్సిన పరిస్థితి ఉందన్నారు మెహబూబా ముఫ్తీ.
Admin