రాజస్తాన్‌లోని భరత్‌పూర్ జిల్లాలో దారుణం.. ట్రాక్టర్‌తో తొక్కించి వ్యక్తి దారుణ హత్య
జై భీమ్ టీవీ - జాతియం / : రాజస్తాన్‌లోని భరత్‌పూర్ జిల్లా బయానా ప్రాంతంలో రెండు వర్గాల మధ్య..భూమి విషయంలో గొడవ జరిగింది. కొన్ని రోజులుగా జరుగుతున్న ఈ వివాదంపై ఇప్పటికే పోలీస్ కేసులు నమోదయ్యాయి. ఈ నేపథ్యంలోనే బుధవారం ఉదయం ఓ వర్గానికి చెందిన వ్యక్తులు..వివాదాస్పదమైన భూమిలోకి వచ్చారు. ఈ విషయం తెలుసుకున్న ప్రత్యర్థులు సైతం అక్కడికి చేరుకున్నారు. రెండు వర్గాల మధ్య ఘర్షణలు జరిగాయి. ఈ క్రమంలోనే దామోదర్‌ గుర్జర్‌ అనే వ్యక్తి తన ట్రాక్టర్‌తో భూమిలోకి ప్రవేశించాడు. అక్కడ ఉన్న వ్యక్తులపైకి దూసుకెళ్లాడు. ప్రత్యర్థి వర్గానికి చెందిన నిర్పత్‌ గుర్జర్‌ ఆ ట్రాక్టర్ కింద పడ్డాడు. దీన్ని గమనించిన మిగతా వారు అతన్ని రక్షించే ప్రయత్నం చేశారు. అయితే ట్రాక్టర్ నడుపుతున్న దామోదర్‌ గుర్జర్‌…నిర్పత్‌పై నుంచే ట్రాక్టర్‌ను ముందుకు.. వెనక్కు నడుపుతూ అత్యంత క్రూరంగా చంపేశాడు. అతని నడుములు విరిగేలా చనిపోయేలా ట్రాక్టర్‌ను అతని పైనుంచి ముందుకు, వెనక్కి నడుపుతూ అందరూ చూస్తుండగానే చంపేశాడు. స్పాట్‌కి వచ్చిన పోలీసులు విచారణ చేపట్టారు. ప్రమాదవశాత్తు ట్రాక్టర్ కింద పడి చనిపోయినట్లు ప్రత్యర్థి వర్గం పోలీసులను నమ్మించే ప్రయత్నం చేశారు. అయితే కొందరు స్థానికులు తీసిన వీడియోలను పరిశీలించిన పోలీసులు ట్రాక్టర్ నడిపిన దామోదర్‌ గుర్జర్‌ ఉద్దేశపూర్వకంగానే కిందపడిన తర్వాత అతని మీదుగా ట్రాక్టర్‌ను నడిపినట్లు గుర్తించారు. దాంతో పోలీసులు హత్య కింద కేసులు నమోదు చేసి, ట్రాక్టర్ నడిపిన దామోదర్‌ కోసం గాలిస్తున్నారు. భరత్ పూర్ ఘటన మానవత్వానికే మచ్చ అంటూ జిల్లా ఎస్పీ ప్రకటించారు. దీనిపై ఉన్నతస్థాయి విచారణకు ఆదేశించినట్లు ఆ రాష్ట్ర డీజీపీ తెలిపారు. ప్రస్తుతం రాజస్తాన్ లో ఎన్నికల జరుగుతుండటంతో.. ఈ ఘటన కాంగ్రెస్, బీజేపీ మధ్య వివాదంగా మారుతోంది. రాజస్థాన్‌లో పట్టపగలే హత్యలు జరుగుతుంటే, కాంగ్రెస్ నేతలు ప్రియాంకగాంధీ, రాహుల్‌గాంధీ స్పందించాలని బీజేపీ ప్రతినిధి సంబిత్‌ పాత్రా డిమాండ్‌ చేశారు. ఈ ఘటనకు కారణమైన పోలీసు అధికారులపై చర్యలు తీసుకోవాలంటూ ఆదేశించాలని పట్టుబట్టారాయన. దిగువన వీడియోలోని దృశ్యాలు మిమ్మల్ని కలిచివేయవచ్చు. మీరు సున్నిత మనస్కులు అయితే దయచేసి వీడియో చూడకండి…
Admin
మరిన్ని వార్తలు
.png)
.jpg)
.jpg)
Developed By :
