గర్భిణికి సిజేరియన్‌ చేసిన వైద్యులు.. ఆ తర్వాత తెలిసింది ఆమెకు హెచ్‌ఐవి పాజిటివ్ అని.. ! ఆపరేషన్ థియేటర్‌కు సీల్..
జై భీమ్ టీవీ - జాతియం / : హెచ్‌ఐవి-పాజిటివ్ ఉన్న మహిళ తన ఇన్‌ఫెక్షన్ గురించి వైద్య సిబ్బందికి చెప్పకుండా సి-సెక్షన్ డెలివరీ చేయించుకుంది. అయితే, విషయం ఆలస్యంగా తెలియటంతో సదరు ఆస్పత్రిలో పెను దుమారం లేచింది.. డాక్టర్లు, వైద్య సిబ్బంది సర్జికల్ OT సీలు చేశారు. ఆపరేషన్ థియేటర్‌కు తాళం వేసి డాక్టర్‌తోపాటు సిబ్బంది ఆందోళనకు దిగారు. ఈ షాకింగ్‌ ఘటన మధ్యప్రదేశ్‌లోని మోవ్‌లోని ప్రభుత్వ ఆసుపత్రిలో చోటు చేసుకుంది. అధికారుల వద్ద బాధిత మహిళ తన హెచ్ ఐవి ఇన్‌ఫెక్షన్‌ను దాచిపెట్టడం ద్వారా సి-సెక్షన్ డెలివరీ జరిగింది. ఈ విషయాన్ని మహిళ గురువారం వెల్లడించడంతో ప్రభుత్వాసుపత్రిలోని సర్జికల్ ఆపరేషన్ థియేటర్‌ను మూసివేసి సీల్ వేశారు. సర్జరీలో పాల్గొన్న వైద్యులు సహా సిబ్బంది ఆందోళన చెందుతున్నారని సమాచారం. ఈ మేరకు..ఆసుపత్రి ఇన్‌ఛార్జ్ డా. యోగేష్ సింగారే తెలిపిన వివరాల ప్రకారం… నవంబర్ 4న గర్భిణికి శస్త్రచికిత్స జరిగింది. కానీ గురువారం, ఆ మహిళ తనకు గల HIV సంక్రమణ గురించి సమాచారం ఇచ్చింది. యువతికి చికిత్స చేసిన గైనకాలజిస్ట్ డా. సీమ సోనీని వివరణ కోరినట్టు యోగేష్ సింఘారే తెలిపారు. ఇదిలా ఉండగా, సీమా సోనీ తనకు ఆ విషయం తెలియదని వివరిస్తూ.. తనకు హెచ్‌ఐవీ పాజిటివ్ అని మహిళ కానీ, ఆమె భర్త కానీ తనకు చెప్పలేదని అన్నారు.. నేను ఈ విషయాన్ని ఆసుపత్రి సిబ్బంది వద్ద ఎందుకు దాచిపెడతానంటూ వాపోయారు. పైగా తన ప్రాణాలను సైతం పణంగా పెట్టి ఇలాంటి పని ఎందుకు చేస్తానంటూ డాక్టర్‌ సోనీ వివరించారు.
Admin
మరిన్ని వార్తలు
.png)
.jpg)
.jpg)
Developed By :
