అబ్బా ఏమన్నా స్కెచ్చా.. పైకి చూస్తే ఫ్రూటీ డబ్బాలు, తెరిచి చూస్తే.. కళ్లు జిగేల్‌
జై భీమ్ టీవీ - జాతియం / : అధికారులు ఎన్ని రకాల చర్యలు తీసుకుంటున్నా అక్రమాలు పెరిగిపోతూనే ఉన్నాయి. ఈజీ మనీ కోసం అడ్డదారులు తొక్కుతూనే ఉన్నారు. ముఖ్యంగా బంగారం విలువ రోజురోజుకీ పెరుగుతోన్న నేపథ్యంలో దానినే అక్రమార్కులు తమ అక్రమార్జనకు వనరుగా మార్చుకుంటున్నారు. విదేశాల నుంచి అక్రమంగా బంగారాన్ని దేశంలోకి తీసుకొస్తున్నారు. కస్టమ్స్ అధికారులు ఎన్ని రకాల పటిష్ట చర్యలు తీసుకుంటున్నా రకరకాల మార్గాల్లో బంగారాన్ని స్మగ్లింగ్‌ చేస్తున్నారు. శానిటరీ ప్యాడ్స్‌ మొదలు, ఎలక్ట్రానిక్‌ డివైజ్‌ల వరకు అన్ని మార్గాల్లో బంగారాన్ని స్మగ్లింగ్‌ చేస్తున్నారు. ప్రతీ రోజూ దేశంలో ఏదో ఒక ఎయిర్‌ పోర్ట్‌లో ఇలాంటి ఘటనలు జరుగుతూనే ఉన్నాయి. తాజాగా ఇలాంటి ఓ సంఘటన దేశ రాజధాని ఢిల్లీ ఎయిర్‌పోర్ట్‌లో చోటు చేసుకుంది. ఓ ప్రయాణికుడు బ్యాంకాంక్‌ నుంచి ఢిల్లీ ఎయిర్‌ పోర్టులో ల్యాండ్‌ అయ్యాడు. సదరు వ్యక్తి బ్యాగులో కొన్ని ఫ్రూటీ లాంటి డబ్బాలు ఉన్నాయి. ఏదో తేడా కొట్టిందో లేదా ముందస్తు సమాచారం ఆధారంగానో కస్టమ్స్ అధికారులు సదరు ఫ్రూటీ బాటిల్స్‌ను పరీక్షించి చూశారు. బరువు ఎక్కువ ఉండడంతో డబ్బాలను ఓపెన్‌ చేసి చూశారు. దీంఓ అందులో బ్లాక్‌ కలర్‌లో ఉన్న చిన్న బాక్సులు ప్రత్యక్షమయ్యాయి. వాటిని కట్ చేసి చూడగా గోల్డ్ బిస్కెట్స్‌ ఉన్నాయి. సుమారు 4 కిలోల బరువున్న గోల్డ్‌ను గుర్తించారు. దీని విలువ అక్షరాల రూ. 2.24 కోట్లు ఉంటుందని అధికారులు తెలిపారు. కస్టమ్స్ యాక్ట్‌ 1962 కింద కేసు నమోదు చేసి దర్యాప్తు ప్రారంభించారు. ఢిల్లీ కస్టమ్స్ అధికారులు దీనికి సంబంధించిన ఫొటోలు, వీడియోను ట్విట్టర్‌లో షేర్‌ చేయగా వైరల్‌ అవుతున్నాయి. కస్టమ్స్ అధికారులు చేసిన ట్వీట్.. మరిన్ని జాతీయ వార్తల కోసం క్లిక్ చేయండి..
Admin
మరిన్ని వార్తలు
.png)
.jpg)
.jpg)
Developed By :
