జై భీమ్ టీవీ - తెలంగాణ / హైదరబాద్ : తెలుగు సినిమా ఖ్యాతిని ప్రపంచానికి చాటిన ఆర్ఆర్ఆర్ సినిమా.. అంతర్జాతీయ అవార్డుల్లో సత్తా చాటుతోంది. ఇప్పటికే పలు దేశీయ అవార్డులతో పాటు అంతర్జాతీయ అవార్డులు అందుకున్న ఆర్ఆర్ఆర్.. తాజాగా ‘ది ఫిలడెల్ఫియా ఫిల్మ్ క్రిటిక్స్ సర్కిల్’ అవార్డ్స్ లో సత్తాచాటింది. ఫిలా ఎఫ్ సీసీ అవార్డ్స్ లో ఆర్ఆర్ఆర్ సినిమా 3 విభాగాల్లో విజేతగా నిలిచింది. ఉత్తమ సినిమాటోగ్రాఫర్, ఉత్తమ విదేశీ చిత్రం, ఉత్తమ సౌండ్ ట్రాక్ విభాగాల్లోనూ ఈ అవార్డులను కైవసం చేసుకుంది. వరుసగా ఈ సినిమాకు అవార్డులు వస్తుండటంతో అభిమానులతో పాటు సినిమా బృంద సభ్యులు సంతోషం వ్యక్తం చేస్తున్నారు. ఈ అవార్డ్ లకు ఎంపికైన వార్తను ఆర్ఆర్ఆర్ ట్విట్టర్ పేజ్ లో పోస్ట్ చేశారు.
Admin