మరో 3 గంటల్లో భారీ వర్షం.. వాతావరణ శాఖ హెచ్చరిక
జై భీమ్ టీవీ - తెలంగాణ / హైదరబాద్ : హైదరాబాద్లో మరో 3 గంటల్లో భారీ వర్షాలు, గాలులు వీచే అవకాశం ఉందని వాతావరణ శాఖ హెచ్చరించింది. అత్యవసరమైతే తప్ప బయటకు రావద్దని గ్రేటర్ హైదరాబాద్ మున్సిపల్ కార్పొరేషన్ ప్రజలను కోరింది. మ్యాన్‌హోల్స్‌తో ప్రజలు జాగ్రత్తగా ఉండాలని కార్పొరేషన్ హెచ్చరించింది. తెలంగాణలోని పలు ప్రాంతాల్లో40 కిలోమీటర్ల వేగంతో వచ్చే వర్షాలు, గాలులు మరో 5 రోజుల పాటు కొనసాగుతాయని వాతావరణ శాఖ అంచనా వేసింది. హైదరాబాద్ లోనూ రెండు రోజుల పాటు వర్షాలు కురుస్తాయని తెలిపింది భారత వాతావరణ శాఖ- హైదరాబాద్ సూచన ప్రకారం, ఆకాశం మేఘావృతమై రోజులో ఒకటి లేదా రెండు సార్లు వర్షం లేదా ఉరుములతో కూడిన జల్లులు పడే అవకాశం ఉంది. ఇదే మే 4,5న కూడా కొనసాగుతుందని భావిస్తున్నారు. మే 6వ తేదీన, సాయంత్రం లేదా రాత్రి సమయంలో వర్షం లేదా ఉరుములతో కూడిన జల్లులు కురిసే అవకాశం ఉన్నందున వాతావరణం మారుతుందని అంచనా వేసింది. ఇది మే 7,8 తేదీలలోనూ కొనసాగుతుంది. హైదరాబాద్లో వచ్చే రెండు రోజులు వర్షం లేదా ఉరుములతో కూడిన జల్లులు పడే అవకాశం ఉంది. రోజూ వారి ఉష్ణోగ్రతలు 35 డిగ్రీల సెల్సియస్ కంటే తక్కువగా ఉంటాయి. హైదరాబాద్లో రాత్రి ఉష్ణోగ్రతలు 23, 24 డిగ్రీల సెల్సియస్‌గా నమోదయ్యే అవకాశం ఉన్నట్టు తెలుస్తోంది.
Admin
మరిన్ని వార్తలు
.jpg)
Developed By :
