గులాబీ పార్టీకి ‘గుర్తుల గుబులు’.. సుప్రీంకోర్టుకు వెళ్లే యోచనలో బీఆర్ఎస్..
జై భీమ్ టీవీ - తెలంగాణ / : తెలంగాణ ఎన్నికల షెడ్యూల్ విడుదలైంది.. నవంబర్ 30 పోలింగ్, డిసెంబర్ 3న ఫలితాలు వెలువడనున్నాయి. తెలంగాణ ఎన్నికల సంగ్రామంలో ముందుగా అభ్యర్థులను ప్రకటించిన బీఆర్ఎస్ అధినేత, ముఖ్యమంత్రి కే చంద్రశేఖర్ రావు.. వ్యూహాలకు పదునుపెట్టారు. మూడో సారి అధికారాన్ని దక్కించుకుని రికార్డు సృష్టించేందుకు కేడర్కు ఎప్పటికప్పుడు దిశానిర్దేశం చేస్తున్నారు. ఈ క్రమంలో.. గత ఎన్నికల్లో జరిగిన తప్పులను సరిదిద్దేందుకు సన్నాహాలను ప్రారంభించారు. ముఖ్యంగా గత అసెంబ్లీ ఎన్నికల్లో, అలాగే.. కొంతకాలం క్రితం జరిగిన ఉపఎన్నికల్లో బీఆర్ఎస్ పార్టీ గుర్తు.. కారు గుర్తును పోలిన కొన్నింటికి ఎక్కువ ఓట్లు పోలయ్యాయి. కారు గుర్తుకు వేసే ఓట్లే.. అటు పోలయ్యాయని.. అలాంటి గుర్తులను ఈ ఎన్నికల్లో తొలగించాలంటూ ఇప్పటికే కేంద్ర ఎన్నికల సంఘానికి భారత రాష్ట్ర సమితి పార్టీ ఫిర్యాదు చేసింది. అంతేకాకుండా.. కొన్ని ఉదహరణలను సైతం ఎన్నికల సంఘానికి అందించింది. అంతేకాకుండా.. కారు గుర్తును పోలిన ఎన్నికల గుర్తులను తొలగించాలని బీఆర్ఎస్ పార్టీ ఢిల్లీ హైకోర్టులో సైతం పిటీషన్ దాఖలు చేసింది. ఈ క్రమంలో ఎన్నికల గుర్తుపై ఢిల్లీ హైకోర్టులో దాఖలు చేసిన పిటిషన్ను బీఆర్ఎస్ పార్టీ ఉపసంహరించుకుంది. కారును పోలిన గుర్తులను ఇతరులకు కేటాయించవద్దని కోరుతూ సుప్రీంకోర్టుకు వెళ్లాలని BRS నిర్ణయించుకుంది. అచ్చం కారు తరహాలో ఉండే గుర్తుల వల్ల ఓటర్లు అయోమయానికి గురి అవుతున్నారని.. దీంతో ఆ గుర్తులకు ఎక్కువ ఓట్లు నమోదవుతున్నాయని బీఆర్ఎస్ నేతలు పేర్కొంటున్నారు. గత అసెంబ్లీ ఎన్నికల్లో రోడ్ రోలర్, చపాతీ మేకర్ వంటి గుర్తుల వల్ల తమ పార్టీకి నష్టం జరిగిందంటూ బీఆర్ఎస్ నేతలు పేర్కొంటున్నారు. ప్రతీ ఓటు కీలకమైన నేపథ్యంలో కారు తరహాలో ఉండే గుర్తులను కేటాయిస్తే మరోసారి నష్టం జరిగే అవకాశం వుందనేది బీఆర్ఎస్ నేతల వాదన. ఈసీ నిర్ణయంతో.. ఇప్పటికే ఈసీని కలిసి వినతపత్రం ఇచ్చిన బీఆర్ఎస్ నేతలు.. ఇటీవల హైదరాబాద్కు వచ్చిన ఎన్నికల సంఘం బృందం దృష్టికి ఇదే విషయాన్ని తీసుకెళ్లారు. అయితే, కారు తరహా గుర్తులను వచ్చే ఎన్నికల్లో వినియోగించాలని ఈసీ నిర్ణయించడంతో బీఆర్ఎస్ సుప్రీం తలుపు తట్టేందుకు రెడీ అవుతోంది. ఇదే అంశంపై గతంలో హైకోర్టును ఆశ్రయించారు. హైకోర్టు స్థాయిలో ఈ అంశంపై విచారణ జరగడంతో.. ఇప్పుడు సుప్రీంకోర్టును ఆశ్రయించాలని నిర్ణయం తీసుకుంది BRS. కారును పోలీన గుర్తులను ఇతరులకు కేటాయించవద్దని పిటిషన్ వేయనుంది.
Admin
మరిన్ని వార్తలు
.jpg)
Developed By :
