బీఆర్ఎస్కు ఎమ్మెల్యే రాథోడ్ బాపురావు గుడ్‌బై.. బుధవారం కాంగ్రెస్‌లోకి..
జై భీమ్ టీవీ - తెలంగాణ / : బోథ్ ఎమ్మెల్యే రాథోడ్ బాపురావు BRSకి గుడ్‌బై చెప్పనున్నారు. రేపు కాంగ్రెస్లో చేరనున్నారు రాథోడ్ బాపురావు. బోథ్ BRS టిక్కెట్‌ రాథోడ్ బాపురావుకు దక్కకపోవడంతో పార్టీ మారాలని డిసైడ్ అయ్యారు. బోథ్ సీటు ఇస్తామని కాంగ్రెస్ నుంచి ఆఫర్ రావడంతో రేవంత్ రెడ్డిని కలిశారు రాథోడ్ బాపురావు. బోథ్ అసెంబ్లీ నియోజకవర్గం ప్రస్తుత సిట్టింగ్ ఎమ్మెల్యే, ఆదిలాబాద్ జిల్లాకు చెందిన రాథోడ్ బాపురావు భారత రాష్ట్ర సమితి (బీఆర్ఎస్)కి రాజీనామా చేశారు. మంగళవారం ఉదయం తెలంగాణ కాంగ్రెస్ చీఫ్ రేవంత్ రెడ్డిని కలిశారు. రాథోడ్ బాపురావుకు అధికార పార్టీ బీఆర్ఎస్ పార్టీ టికెట్ నిరాకరించింది. అక్టోబరు 18న కాంగ్రెస్ లో చేరిన బాపురావు హస్తం పార్టీ టిక్కెట్‌పై ఎన్నికల్లో పోటీ చేయనున్నారు. బోథ్ ఎమ్మెల్యే బాపురావు రేవంత్ రెడ్డి నివాసానికి వెళ్లడం రాజకీయంగా చర్చనీయాంశంగా మారింది. బీఆర్ఎస్ నాయకత్వం పక్కనబెట్టి అనిల్ జాదవ్‌కు సీటు కేటాయించిన సంగతి తెలిసిందే. ఇదిలావుంటే, రేఖా నాయక్ పార్టీ మారే ఆలోచనలో ఉన్నట్లు కూడా ఊహాగానాలు వినిపిస్తున్నాయి. అయితే ఏడు స్థానాల్లో మార్పులు చేశారు. ఈసారి బీఆర్ఎస్ ఎమ్మెల్యేలు సుభాష్‌రెడ్డి (ఉప్పల్‌), రాజయ్య (స్టేషన్ ఘన్పూర్), రాములు నాయక్ (వైరా), రేఖానాయక్‌ (ఖానాపూర్‌), చెన్నమనేని రమేష్ (వేములవాడ), గంప గోవర్ధన్‌ (కామారెడ్డి), రాథోడ్ బాపురావు (బోత్‌), విద్యాసాగర్‌రావు టిక్కెట్లు ఇవ్వలేదు. కాంగ్రెస్ తొలి జాబితాలో మైనంపల్లి హనుమంతరావు, ఆయన కుమారుడు రోహిత్ వంటి మాజీ బీఆర్ఎస్ నేతలకు టిక్కెట్లు ఇచ్చింది. తుమ్మల నాగేశ్వరరావు, జూపల్లి కృష్ణారావు, పొంగులేటి శ్రీనివాస్‌రెడ్డి ఇటీవలి కాలంలో కాంగ్రెస్లో చేరారు. దసరా తర్వాత పార్టీ అభ్యర్థుల రెండో జాబితాను విడుదల చేయనున్నట్లుగా తెలుస్తోంది. కాంగ్రెస్ ఎంపీ, సీనియర్ నేత రాహుల్ గాంధీ, పార్టీ జాతీయ ప్రధాన కార్యదర్శి ప్రియాంక గాంధీ వాద్రా తెలంగాణలో పర్యటించి అక్టోబర్ 18న బస్సుయాత్ర చేపట్టనున్నారు.
Admin
మరిన్ని వార్తలు
.jpg)
Developed By :
