ఖమ్మం వార్.. నిన్నటి దాక ఓ లెక్క.. ఇప్పుడు అంతకు మించి హైవోల్టేజ్
జై భీమ్ టీవీ - తెలంగాణ / : ఖమ్మం వార్.. సవాళ్లు బరాబర్.. నిన్నటి దాక ఓ లెక్క..ఇప్పుడు అంతకు మించి హైవోల్టేజీ పాలిటిక్స్. నాడు ముగ్గురు మిత్రులు.. పువ్వాడ.. తుమ్మల..పొంగులేటి అధికార బీఆర్ఎస్లో ఉన్నారు. నేడు రాజకీయ ప్రత్యర్ధులుగా మారారు. పోటీ చేసిన చోటుపైనే కాదు టోటల్గా పదికి పది సీట్లపై ముగ్గురు గురి పెట్టారు. మరి దస్ కా దమ్ ఎవరిది? అన్నది తేలాల్సి ఉంది. రాజకీయాలందు.. ఖమ్మం రాజకీయాలు వేరయా..!!! అవును.. తెలంగాణ రాజకీయాలంతా ఒక ఎత్తైతే.. ఒక్క ఖమ్మం జిల్లా రాజకీయాలు మరో ఎత్తు..!! రసవత్తర రాజకీయాలకు గుమ్మం..ఖమ్మం. మొన్నటి దాక కారులో షికారుచేసిన ముగ్గురు నేతలు..ఇప్పుడు రాజకీయ ప్రత్యర్థులు. నిన్నటి దాక పొంగులేటి- పువ్వాడ మధ్య మాటలయుద్ధం. తుమ్మల సీన్లోకి వచ్చాక ఖమ్మం రాజకీయాలే కాదు.. ఆయన డైలాగులూ మరో లెవల్…. ఖమ్మం అడ్డాగా ఖాకీలను టార్గెట్ చేస్తూ డైనమైట్ లాంటి డైలాగు పేల్చారు తుమ్మల. ఖమ్మం జిల్లా రఘునాథపాలెంలో తుమ్మల నాగేశ్వరావు, భట్టి సహా ఇతర నేతలు ప్రచారం నిర్వహించారు. కొందరు అక్రమ కేసుల వ్యవహారం వాళ్ల ముందు పెట్టడంతో తుమ్మల కొన్ని సంచలన వ్యాఖ్యలు చేశారు. క్షపమాణ చెప్పకుండా, కేసులు కొట్టేయకుండా ఏ ఒక్క పోలీస్ను బదిలీ కూడా చేసేది లేదని వార్నింగ్ ఇచ్చారు తమ్మల. అంతే బీఆర్ఎస్ నుంచి ఖండన బాణం దూసుకు రానే వచ్చింది. తుమ్మల వ్యాఖ్యలకు కౌంటర్ ఇచ్చారు పువ్వాడ అజయ్. అహంకార పూరిత వ్యాఖ్యలను ప్రజలను గమనించాలన్నారు. BRS హ్యాట్రిక్ పక్కా.. ఖమ్మంలో మళ్లీ తన గెలుపే గ్యారెంటీ అంటున్నారు పువ్వాడ. తమ ప్రభుత్వం చేసిన అభివృద్ది, సంక్షేమ పథకాలపై ఇంటింటికిచేరాయన్నారు. ఖమ్మం ప్రజలు బీఆర్ఎస్తోనే ఉన్నారంటూ ప్రచారాన్ని ముమ్మరం చేస్తున్నారు పువ్వాడ అజయ్. ఖమ్మం ఖచ్చితంగా కాంగ్రెస్ చేతికేనంటున్నారు తుమ్మల. నియోజకవర్గ వ్యాప్తంగా ప్రచారాన్ని కొనసాగిస్తున్నారు. 40 ఏళ్లు కష్టపడి జిల్లాను అన్ని రంగాల్లో అభివృద్శి చేశానన్నారు. రాహుల్-రేవంత్ ఆహ్వానం మేరకే కాంగ్రెస్లో చేరానన్నారు. ఖమ్మం జిల్లాలో అవినీతి అరాచకాలను తరిమి కొట్టాలని పిలుపునిచ్చారు తుమ్మల. ఖమ్మంలో పువ్వాడ అజయ్- తుమ్మల నాగేశ్వరరావు మధ్య సవాళ్ల వార్ పీక్స్కు వెళ్లింది. నాట్ ఓన్లీ ఖమ్మం. జిల్లాలోని పదికి పది నియోజవర్గాల్లో బీర్ఎస్దే గెలుపని పువ్వాడ.. జిల్లాలో టోటల్గా క్లీన్ స్వీప్ కాంగ్రెస్దేనని తుమ్మల శపథాలు చేశారు. పరస్పర ఆరోపణలు..విమర్శలు సవాళ్లతో ఖమ్మం రాజకీయం అంతకంతకు వేడుక్కుతోంది.
Admin
మరిన్ని వార్తలు
.jpg)
Developed By :
