సైబరాబాద్ కమిషనరేట్ పరిధిలో ట్రాఫిక్ ఆంక్షలు
జై భీమ్ టీవీ - తెలంగాణ / హైదరబాద్ : గచ్చిబౌలి: ఈ నెల 31న న్యూ ఇయర్ వేడుకల నేపథ్యంలో సైబరాబాద్ కమిషనరేట్ పరిధిలో ట్రాఫిక్ ఆంక్షలు విధిస్తున్నట్లు ట్రాఫిక్ డీసీపీ శ్రీనివాసరావు గురువారం ఓ ప్రకటనలో తెలిపారు. ఈ నెల 31 రాత్రి 10 గంటల నుంచి జనవరి 1 ఉదయం 5 గంటల వరకు ఆంక్షలు అమల్లో ఉంటాయన్నారు. ట్యాక్సీ, క్యాబ్ డ్రైవర్లు రూల్స్ ఫాలో కావాలే.. 31న అర్ధరాత్రి క్యాబ్లు, ఆటోలు, ట్యాక్సీలు డ్రైవింగ్ చేసే డ్రైవర్లు యునిఫాం వేసుకొని, వెహికల్స్కు సంబంధించిన డాక్యుమెంట్స్ అన్నీ అందుబాటులో ఉంచుకోవాలి. రూల్స్ బ్రేక్ చేసిన, పబ్లిక్ వద్ద ఎక్కువ డబ్బు వసూలు చేసినా చట్టప్రకారం చర్యలు తీసుకుంటామని పోలీసు అధికారులు హెచ్చరించారు. పబ్లు.. బార్లలో.. పబ్లు, బార్ల మేనేజ్మెంట్లు కచ్చితంగా రూల్స్ పాటించాలి. పబ్లు, బార్లకు వచ్చే కస్టమర్లకు పరిమితికి మించి లిక్కర్ అమ్మకూడదు. అదే విధంగా మద్యం సేవించిన కస్టమర్లను డ్రైవింగ్ చేయకుండా ఆల్టర్నేట్ అరేంజ్మెంట్స్ చేయాలి. డ్రంకెన్ డ్రైవ్.. సైబరాబాద్ లిమిట్స్లో డిసెంబర్ 31న అన్నీ రూట్లలో డ్రంకెన్ డ్రైవ్ టెస్టులు నిర్వహించనున్నట్లు ట్రాఫిక్ పోలీసులు తెలిపారు. వెహికల్ డ్రైవ్ చేసే వ్యక్తి వెహికిల్కు సంబంధించిన డాక్యుమెంట్లను పోలీసు అధికారులకు చూపించి సహకరించాలి. లేకపోతే కఠిన చర్యలు తీసుకుంటామని పోలీసు అధికారులు హెచ్చరించారు. డ్రంక్ అండ్ డ్రైవ్ చేసి పట్టుబడితే కేసు నమోదు చేసి కోర్టులో ప్రవేశపెడుతామని తెలిపారు. దీంతో పాటు రూ. 10 వేలు లేదా 6 నెలలు జైలు శిక్ష ఉంటుందని పేర్కొన్నారు. ట్రాఫిక్ రూల్స్ పాటిస్తూ పోలీసులకు సహకరించాలని కోరారు. ఈవెంట్ ఆర్గనైజర్స్ తో డీసీపీ సమావేశం కంటోన్మెంట్: న్యూ ఇయర్ వేడుకల్లో రూల్స్ పాటించని నిర్వాహకులపై చర్యలు తీసుకుంటామని నార్త్జోన్ డీసీపీ చందనా దీప్తి పేర్కొన్నారు. ఈ మేరకు గురువారం ఆమె సికింద్రాబాద్ కార్కానాలో పబ్లు, క్లబ్లు, హోటల్స్ నిర్వాహకులతో సమావేశం నిర్వహించారు. న్యూ ఇయర్వేడుకలకు వచ్చే వారికిపార్కింగ్ సదుపాయాలు ఆయా ఆర్గనైజర్లుఏర్పాటు చేయాలని, టైమింగ్ విధిగా పాటించాలని,వేడుకల్లో పాల్గొన్నవారికి తిరిగి ఇంటికి చేర్చే వరకు నిర్వాహకులు బాధ్యత తీసుకోవాల్సిఉంటుందని పేర్కొన్నారు. వేడుకల్లో పాల్గొన్న వారు మద్యం తాగి ఉంటే వారి వెహికల్స్ నడిపేందుకు నిర్వాహకులే ప్రత్యేకంగా డ్రైవర్లను ఏర్పాటు చేయాలని సూచించారు. సమావేశంలో నార్త్జోన్ అడిషనల్ డీసీపీ యోగేష్ గౌతమ్, ఏసీపీలు రమేశ్, సుధీర్,రంగారెడ్డి జిల్లాలోని అన్ని పోలీసుస్టేషన్ల పోలీసు అధికారులు, సిబ్బంది పాల్గొన్నారు. ట్రాఫిక్ డైవర్షన్ ఇలా.. నెహ్రూ ఓఆర్ఆర్పై కేవలం ఎయిర్పోర్టుకు వెళ్లే వెహికల్స్ మినహా మిగిలిన వాటికి అనుమతి లేదు. మెహిదీపట్నం నుంచి శంషాబాద్ వరకు ఉన్న పీవీఎన్ ఆర్ ఎక్స్ప్రెస్ వే పై ఎయిర్పోర్టుకు వెళ్లే వెహికల్స్ కు మాత్రమే వెళ్లేందుకు అనుమతిస్తారు. ఫ్లై ఓవర్లు బంద్... సైబరాబాద్ పరిధిలో ఉన్న అన్ని ఫ్లై ఓవర్లను రాత్రి 11 గంటల నుండి ఉదయం 5 గంటల వరకు క్లోజ్చేయనున్నారు. శిల్పా లేఅవుట్ ఫ్లై ఓవర్, గచ్చిబౌలి ఫ్లై ఓవర్, బయోడైవర్సిటీ ఫ్లై ఓవర్ 1,2, షేక్పేట, మైండ్స్పేస్, రోడ్ నెం.45 ఫ్లై ఓవర్, దుర్గం చెరువు కేబుల్ బ్రిడ్జి, సైబర్ టవర్స్ ఫ్లై ఓవర్, జేఎన్టీయూ ఫ్లై ఓవర్, కైత్లాపూర్ ఫ్లైఓవర్, బాబు జగ్జీవన్ రాం ఫ్లైఓవర్(బాలానగర్)ను క్లోజ్ చేయనున్నారు. ఈ రూట్లలో ట్రావెల్ చేసే వెహికల్స్ను, వాకర్స్ ను ఫ్లై ఓవర్ల పైకి అనుమతించరు.
Admin
మరిన్ని వార్తలు
.jpg)
Developed By :
